Top Ad unit 728 × 90

Description of Image

latest News

recent

ဖုန်းလုံခြုံမှုအတွက် သတိထားရမည့် အချက် (၇) ချက်


ပြီးခဲ့သည့်နှစ်တွင် ဖြစ်ပွားခဲ့သည့် ဆန်ဘာနာဒီနိုပစ်ခတ်မှုအတွင်း သေနတ်သမားအသုံးပြုခဲ့သည့် iPhone ကို Apple မှကူညီ၍ unlock ပြုလုပ်ရန် FBI ၏ တောင်းဆိုမှုကြောင့် စမတ်ဖုန်းသုံးစွဲသူအများစုက လုံခြုံရေးကို အာရုံစိုက်လာကြသည်။

FBI အနေဖြင့် အနာဂတ်တွင် lock ဖြစ်နေသော ဖုန်းများ ကိုယ်ပိုင်နည်းလမ်းများဖြင့် ထိုးဖောက်ရန် ကြိုးစားမည်မှာ အသေအချာဖြစ်သည်။ လတ်တလောတွင် စမတ်ဖုန်းသုံးစွဲသူများအနေဖြင့် စိတ်ပူပန်သင့်သော လုံခြုံရေးအန္တရာယ်များစွာ ရှိနေသည်။


စမတ်ဖုန်းသုံးစွဲသူများအနေဖြင့် အောက်တွင်ဖော်ပြထားသော အချက်များကို သတိရှိရှိဖြင့် ပြုလုပ်ကာ တစ်ကိုယ်ရေ အချက်အလက်များကို ဖုန်းသူခိုးများ၊ malware နှင့် ဘေးအန္တရာယ်အမျိုးမျိုး၏ရန်မှ လုံခြုံအောင် ကာကွယ်နိုင်သည်။

ဖုန်းကို လုံခြုံစွာ မသိမ်းဆည်းခြင်း


၂၀၁၄ ခုနှစ်တွင် ဆယ်လ်ဖုန်း ၂.၁ သန်းခန့် ခိုးယူခြင်း ခံခဲ့ရကြောင်း သိရသည်။ အကယ်၍ သူခိုးတစ်ယောက်က သင့်ဖုန်းကို ရရှိခဲ့လျှင် သင့်၏ လိပ်စာ၊ အလုပ်ခွင်၊ ဘဏ်၊ အကြွေးဝယ်ကတ်အချက်အလက်၊ password များနှင့် အချက်အလက်များကို သိရှိသွားမည် ဖြစ်သည်။

ထို့ကြောင့် စမတ်ဖုန်းသုံးစွဲသူများအနေဖြင့် မြို့ကြီးများတွင် လမ်းလျှောက်သည့်အခါတွင် ဖုန်းကို ဂရုတစိုက် ထားသင့်သည်။ ခါးပိုက်နှိုက်မှုများစွာ ဖြစ်ပွားတတ်သည့် လူအသွားအလာထူထပ်သော ဧရိယာများတွင် နိုးကြားစွာနေသင့်သည်။ စမတ်ဖုန်းများကို အိတ် သို့မဟုတ် ရှေ့အိတ်ကပ်တွင်ထည့်ခြင်းဖြင့် ခိုးယူခံရခြင်းအန္တရာယ်မှ ကာကွယ်နိုင်သည်။


ဖုန်းကို unlock ပြုလုပ်ထားခြင်း


စမတ်ဖုန်းတွင် screen lock မပြုလုပ်ထားသူများအတွက် ယခုပင်ပြုလုပ်ရန် အကြံပေးလိုသည်။ သုံးစွဲသူ၏ စမတ်ဖုန်းသည် ခိုးယူခြင်းခံရပါက screen lock သည် အခြေခံအကျဆုံး ကာကွယ်မှုတစ်ခု ဖြစ်သည်။

Android စမတ်ဖုန်းတွင် password, PIN သို့မဟုတ် swipe lock တို့ကို အသုံးပြုနိုင်သည်။ PIN နှင့် password များသည် စာလုံးရေ ၄ လုံးထက် ပိုမိုရှည်လျားပြီး ခန့်မှန်းရခက်ခဲသောကြောင့် ပိုမိုလုံခြုံသည်။ တစ်ချို့ Android ဖုန်းများတွင် fingerprint reader များဖြင့် screen ကို unlock ပြုလုပ်နိုင်သည်။ ၎င်းသည် လုံခြုံပြီး လက်လှမ်းမီသော နည်းပညာဖြစ်သည်။ iPhone များတွင်မူ PIN ကို အသုံးပြုနိုင်သည်။ iPhone 5S နှင့်အထက်တွင်ပါဝင်လာသော Touch ID တွင် ထိရောက် ရိုးရှင်းသော fingerprint lock ပါဝင်လာသည်။

ဖုန်းပျောက်ဆုံးပါက ခြေရာမခံခြင်း


ဖုန်းပျောက်ဆုံးသွားသည့်အခါတွင် ဖုန်း၏တည်နေရာကို ခြေရာခံနိုင်ပြီး အဝေးမှ lock ပြုလုပ်ကာ အချက်အလက်များကို ဖျက်ပစ်နိုင်သည်။ ထိုသို့ပြုလုပ်နိုင်ရန် အောက်ဖော်ပြပါနည်းလမ်းအတိုင်း ပြုလုပ်နိုင်သည်။

Android တွင် Google Settings app သို့ဝင်ရောက်၍ Security ကို tap ပြုလုပ်ပါ။ ထို့နောက် Android Device Manager အောက်ရှိ “Remotely locate this device” နှင့် “Allow remote lock and erase” တို့ကို ဖွင့်ထားပါ။ အဆိုပါ setting နှစ်ခုဖြင့် ဖုန်းကို ကွန်ပျူတာမြေပုံမှ ခြေရာခံနိုင်သလို ခိုးယူခံရခြင်း သို့မဟုတ် နေရာထားမှားသည့် ဖုန်းမှ အချက်အလက်ကို ဖျက်နိုင်သည်။

iPhone သုံးစွဲသူများနှင့် အခြား iOS gadget များအတွက် Apple က မြေပုံတွင် iOS ထုတ်ကုန်များ ရှာဖွေနိုင်ပြီး default အဖြစ်ပွင့်လာမည့် Find My iPhone ပါဝင်သည်။ ထို့နောက် အဝေးမှနေ၍ အချက်အလက်များကို ရှင်းပစ်နိုင်မည် ဖြစ်သည်။ Find My iPhone app တွင်းသို့ log in ဝင်၍မှန်ကန်မှု ရှိ၊ မရှိကို iCloud account ဖြင့် ဝင်ရောက်စစ်ဆေးနိုင်သည်။


ဗိုင်းရပ်စ်ရန်မှ ကာကွယ်မှုမရှိခြင်း


Android ဖုန်းများသည် malware ကူးစက်လွယ်သော်လည်း Lookout, Avast သို့မဟုတ် TrustGo ကဲ့သို့ app များဖြင့် အန္တရာယ်ရှိသော ပရိုဂရမ်များကို scan ပြုလုပ်ကာ ဖယ်ရှားနိုင်မည် ဖြစ်သည်။ iPhone တွင်မူ malware ကူးစက်မှုမှာ ပိုမိုလျော့နည်းသည်။

iPhone တွင် malware သက်ရောက်မှုရှိသော်လည်း antivirus app များမရှိပေ။ ထိုအစား Apple သည် iOS တွင် malware ဝင်ရောက်နိုင်သည့် အားနည်းချက်များအတွက် လုံခြုံရေးဆိုင်ရာ patch များဖြန့်ချိပေးသည်။

အခမဲ့ Wi-Fi များအသုံးပြုခြင်း


လုံခြုံမှုမရှိသော အခမဲ့ Wi-Fi ကွန်ရက်များသည် သုံးစွဲသူ၏ အွန်လိုင်းလုပ်ဆောင်ချက်များကို စောင့်ကြည့်နိုင်သည့် အားနည်းချက် ရှိသည်။ အဆိုးဝါးဆုံးမှာ ပွင့်နေသည့် Wi-Fi ကွန်ရက်သည် အချက်အလက်များ ခိုးယူရန် ဒီဇိုင်းထုတ်ထားသော spoof ဖြစ်နိုင်သည်။

ကော်ဖီဆိုင် သို့မဟုတ် လေဆိပ်ရှိ အခမဲ့ Wi-Fi များမှာ လုံခြုံရှိသော်လည်း အရေးကြီးအချက်အလက်များ ဖြစ်သော ဘဏ်ဝက်ဘ်ဆိုက်များကို အသုံးမပြုသင့်ပေ။ ထို့ကြောင့် သုံးစွဲသူများအနေဖြင့် မယုံကြည်နိုင်သော Wi-Fi ကွန်ရက်များကို အသုံးမပြုသင့်ပေ။


စာသားများပါဝင်သော လင့်များကို နှိပ်ခြင်း


Phishing နည်းလမ်းသည် malware ဖြင့် ဖုန်းကိုတိုက်ခိုက်ခြင်း သို့မဟုတ် တစ်ကိုယ်ရေအချက်အလက်များ ရယူရန်အတွက် မသမာသူများက အသုံးချလေ့ရှိသော နည်းလမ်းဖြစ်သည်။

အကယ်၍ သင့်အနေဖြင့် မသိကျွမ်းသူတစ်ဦးထံမှာ ကျပန်းစာသားများ ပါဝင်သော လင့်ရရှိပါက click မနှိပ်ပါနှင့်။ ၎င်းလင့်ခ်သည် သင့်ထံမှ အချက်အလက်များ ခိုးယူရန် ကြိုးစားသည့် ထောင်ချောက် တစ်ခုဖြစ်နိုင်သည်။ အဆိုးဆုံးအချက်မှာ ဖုန်းကို malware ဖြင့်ထိန်းချုပ်ပြီး ဟက်ကာများထံသို့ အချက်အလက်များ ပေးပို့ခြင်း ဖြစ်သည်။

ဖုန်းနှင့် app များကို update မပြုလုပ်ခြင်း


ဖုန်းတစ်လုံးကို ရိုးရှင်းစွာ ကာကွယ်သည့် နည်းလမ်းမှာ အဆင့်မြှင့်တင်မှု ပြုလုပ်ခြင်း ဖြစ်သည်။ စမတ်ဖုန်းသုံးစွဲသူများအနေဖြင့် ဖုန်းတွင် operating system update များကို download ပြုလုပ်ခြင်းနှင့် app များကို အဆင့်မြှင့်တင်ခြင်းတို့ ပြုလုပ်ရမည် ဖြစ်သည်။ ဟက်ကာများသည် app နှင့် software ဗားရှင်းအဟောင်းရှိ အားနည်းချက်ကို အသာစီးရလေ့ရှိသောကြောင့် ကုမ္ပဏီများအနေဖြင့် update များတွင် bug များစွာကို ပြုပြင်ထားသည်။ ထို့ကြောင့် စမတ်ဖုန်းသုံးစွဲသူများအနေဖြင့် အားနည်းချက်များစွာ မဖြစ်ပေါ်စေရန် နောက်ဆုံးပေါ် ဗားရှင်းကို အသုံးပြုသင့်သည်။


Ref: CNET


Internet Journal




ဇူးနစ်(နည်းပညာ)



ဖုန်းလုံခြုံမှုအတွက် သတိထားရမည့် အချက် (၇) ချက် Reviewed by ဇူးနစ် on 3:11 PM Rating: 5

No comments:

All Rights Reserved by ဇူးနစ်(နည်းပညာ) © 2015 - 2016
Powered By www.zunite.org, Designed by ဇူးနစ်

Contact Form

Name

Email *

Message *

Powered by Blogger.