Top Ad unit 728 × 90

Description of Image

latest News

recent

“ခေတ်ပညာတတ်ဆိုတာ”


“ခေတ်ပညာတတ်ဆိုတာ”
===============
ကျွန်တော်တို့ငယ်ငယ်တုန်းကတော့ Knowledge ဆိုတာကို ဗဟုသုတလို့ မှတ်ခဲ့ကြတာပေါ့
ခုခေတ်မှာတော့ ပညာလို့ ပြောင်းလဲသုံးနှုံးနေကြပါတယ်။

Knowledge နဲ့ ပတ်သက်ရင် ဖတ်ဖူးတဲ့ အဓိပ္ပါယ်ဖွင့်ဆိုချက်တစ်ခုကတော့
Knowledge = Education + Experience ဒီနှစ်ခုက အပြန်အလှန် ဆက်စပ်ပါတယ်။ 


အတွေ့အကြုံမပါတဲ့ အသိဟာ မပြည့်စုံသလို၊ အသိတစ်ခုမယူနိုင်လိုက်ဘူးဆိုလည်း 
အဲဒီအတွေ့အကြုံဟာ အလဟဿပါပဲ။

အရင်ဆုံး Education က စပြောချင်ပါတယ်။ 

(၃) မျိုးရှိပါတယ်၊

(၁။) Formal လို့ခေါ်တဲ့ ကျောင်းပညာရေးရယ်၊

 (၂) Informal လို့ခေါ်တဲ့ အမေက သမီးကို ဟင်းချက်နည်းသင်ပေးတာ၊ အဖေက
 သားကို ကားမောင်းသင်ပေးတာ၊ အဲ့လိုပညာရေးမျိုးရယ်၊ နောက်ဆုံးတစ်ခုကတော့ 

(၃) Non formal education လို့ခေါ်တဲ့ ကျောင်းပြင်ပ ပညာရေးပေါ့။

ဒီနေရာမှာ တစ်ခုလေး သတိထားစေချင်တာကတော့ ဘီလ်ဂိတ်စ်တို့၊ စတိဗ်ဂျော့ဘ်စ်တို့ ဇူကာဘတ်တို့
ဘွဲ့မရတာမှန်တယ်၊ ဒါပေမဲ့ Non formal education မှာ အရမ်းထူးချွန်ခဲ့လို့ ဒီလိုတွေဖြစ်လာတာပါ။ 

သူတို့လည်း ဘွဲ့မှမရတာဆိုပြီး အတုယူမမှားစေချင်ဘူး
Non formal education မှာ ကြိုးစားခဲ့တာကိုသာ အတုယူရမှာ ဖြစ်ပါတယ်။

လူငယ်တွေအနေနဲ့ သူများသင်ပေးမှ ရတော့မပေါ့ ဆိုတာမျိုးတွေ မတွေးကြစေချင်တော့ဘူး။ 
ဆရာဆိုတာ မလိုအပ်တော့ဘူးလို့ ဆိုလိုတာ မဟုတ်ပေမဲ့ ဆရာအပေါ်မှာ လုံးလုံးလျားလျား မှီခိုနေတာမျိုးတွေက ဒီခေတ်မှာ မဖြစ်သင့်တော့ဘူး။ တကယ်တော့ ပညာတတ်တယ်ဆိုတာဟာ ဘွဲ့လက်မှတ်တစ်ခု၊ သင်တန်းဆင်းလက်မှတ်တစ်ခု ရတာထက် အများကြီးပိုပါတယ်။

နောက်တစ်ခုက အတွေ့အကြုံ

ထင်ရှားတဲ့ ဥပမာတစ်ခုပေးရရင် ရုပ်ရှင်မင်းသားကြီး ဦးကျော်ဟိန်းပါ။ အတန်းပညာ ဘယ်လောက်မှမရှိပေမဲ့ သူဖြတ်သန်းခဲ့တဲ့ အတွေ့အကြုံတွေက သူ့ကို ဒီလိုအဆင့်အတန်းတစ်ခု ဖြစ်လာစေခဲ့တာပဲ။ သူလိုလူမျိုးတွေ ကမ္ဘာမှာရော မြန်မာမှာပါ အများကြီးရှိပါသေးတယ်။

အတွေ့အကြုံနဲ့ ပတ်သက်လို့ ပြောရရင်

နံပါတ်တစ်
======
အတွေ့အကြုံတစ်ခုရဖို့ ပေးဆပ်ရတဲ့ တန်ဖိုးက ကြီးပါတယ်။ 
ဒါကိုတော့ အတွေ့အကြုံရှိတဲ့သူတွေ၊ လူကြီးပိုင်းတွေ သဘောပေါက်ကြမှာပါ။

နံပါတ်နှစ်
=======

အတွေ့အကြုံမရှိရင် ပေးဆပ်ရတဲ့ တန်ဖိုးက ပိုကြီးပါတယ်။ ဒါကြောင့် Comfort zone ထဲမှာ
သက်သောင့်သက်သာ နေမနေဘဲ အတွေ့အကြုံသစ်တွေရဖို့အတွက် အသစ်အသစ်သော 
စိန်ခေါ်မှုတွေကို ရင်ဆိုင်နိုင်ဖို့ လိုပါတယ်။

If the driver feels comfort, he is not driving fast enough ပါတဲ့

တကယ်တော့ အလုပ်ကနေ ရတာ ပိုက်ဆံတစ်ခုတည်း မဟုတ်ပါဘူး။ အတွေ့အကြုံတွေလည်း ပါတယ်။ အဲဒါတွေကို ကိုယ်ဘယ်လိုရင်ဆိုင်သလဲဆိုတာက ကိုယ့်အရည်အသွေးတွေ ဘယ်လောက်တက်လာသလဲ၊ ကိုယ့်ခံယူချက်တွေ ဘယ်လောက်ပြောင်းလာသလဲဆိုတာကို အဆုံးအဖြတ်ပေးမှာ ဖြစ်ပါတယ်။

- တချို့ဆို ဖိအားတွေကို ရင်မဆိုင်ရဲဘူး။ 

- အခက်အခဲကို ရှောင်ချင်တယ်။ 

- တတ်နိုင်သမျှ ခပ်အေးအေးနေတယ်။ 

- သိပ်တာဝန်ယူလေ့မရှိဘူး။

အဲဒီအခါ လုပ်သက်ကသာ များလာပေမဲ့ ကြီးကြီးမားမား အတွေ့အကြုံက ရှိမထားဘူး။ 
ဒါကြောင့် လုပ်သက် နှစ်ဘယ်လောက်များသလဲဆိုတာထက်
ဘယ်လောက်အတွေ့အကြုံယူနိုင်ခဲ့သလဲဆိုတာက ပိုအရေးကြီးပါတယ်။

နံပါတ်သုံး
=======
ရခဲ့ပြီးတဲ့ အတွေ့အကြုံကနေ သင်ခန်းစာမယူတတ်ရင်တော့ ပေးရတဲ့တန်ဖိုးက အကြီးဆုံးပါပဲ။
သူများကို ပိုက်ဆံလွယ်လွယ်ချေးတတ်လို့ ပြဿနာတွေ ဖြစ်ဖူးခဲ့တယ်၊ ခုရော ဘာလုပ်နေလဲ
မေးကြည့်တော့ သူ့ပိုက်ဆံချေးပြီး ပြန်မဆပ်တဲ့လူတစ်ယောက်နောက် လိုက်နေရသတဲ့။

လောင်းကစားကြောင့် ဘ၀ပျက်မတတ် ဖြစ်ခဲ့ရတယ်၊ 
ခု ဘာလုပ်နေလဲဆိုတော့ ချဲတွက်နေတယ်၊ ဘောပွဲလောင်းနေတယ်။

ပြီးခဲ့တဲ့လုပ်ငန်းတစ်ခုမှာ ဒီလိုလွဲချော်မှုတွေ ရှိခဲ့တယ်။ ရှိခဲ့မှန်းလည်း သိတယ်၊ မှတ်တမ်းလည်းတင်ထားတယ်။ ဒါပေမဲ့ နောက်ထပ်လုပ်ငန်းတစ်ခု ထပ်လုပ်တော့လည်း 
အလားတူ လွဲချော်မှုတွေ ဖြစ်လာပြန်တယ်။ ဆိုလိုတာက မှတ်တမ်းတင်ထားခဲ့တဲ့ 
သင်ခန်းစာတွေကို ပြန်အသုံးမချနိုင်ဘူး။ Learning organization မဖြစ်ဘူး။

ခုခေတ်မှာ ပြောပြောနေကျ Lesson learnt ဆိုတာ အဲဒါပါပဲ။ 
သင်ယူလိုက်ရတဲ့ သင်ခန်းစာများပေါ့။ အတွေ့အကြုံဆိုတာ ရှိဖို့လိုသလို၊ 
အသုံးချနိုင်ဖို့လည်း လိုပါတယ်။

စာရေးဆရာတစ်ယောက်ရေးတဲ့ အသုံးအနှုန်းနောက်တစ်ခု ဖတ်ရဖူးတယ်။
Lesson studied တဲ့။ ဒါကျတော့ လေ့လာမိလိုက်တဲ့ သင်ခန်းစာများလို့ 
ဘာသာပြန်ရင် ရမယ်ထင်တယ်။

တရုတ်ပညာရှိတစ်ယောက် ပြောဖူးသလို ကျွန်တော်တို့အနေနဲ့ အမှားအားလုံးကို လိုက်လုပ်ဖူးဖို့အတွက်
အချိန်မလုံလောက်ပါဘူး။ မီးကိုပူမှန်းသိဖို့ လက်နဲ့ကိုင်ကြည့်စရာ မလိုတော့ဘူး။

 ဖေ့စ်ဘွတ်က ကိုယ်မသိတဲ့လူတစ်ယောက်ကို ယုံမှတ်ပုံအပ်မိလိုက်ရင် 
ဘ၀ပျက်တတ်တယ်ဆိုတာသိဖို့ ကိုယ်တိုင်လိုက်လုပ်ကြည့်စရာ မလိုတော့ဘူး။

ကိုယ်ကြုံဖူးမှသိတဲ့ Lesson learnt အပြင် ကိုယ်မကြုံဖူးသေးပေမဲ့ 
သူများတွေဆီကတစ်ဆင့်သိတဲ့ Lesson studied ကလည်း အရေးကြီးလာပါတယ်။

အဲဒီသင်ခန်းစာကို အဓိကရနိုင်တဲ့နေရာကတော့ စာပေပါပဲ။ စာဖတ်ခြင်းကတစ်ဆင့် 
လူပေါင်းများစွာရဲ့ ဘ၀ဖြတ်သန်းမှုတွေ၊ အတွေ့အကြုံတွေ၊ အမှားတွေကို လေ့လာလို့ ရပါတယ်။ 

စာဖတ်နာလာတဲ့အခါ အသက်(၄၀)အရွယ်တွေမှာ ရှိနေတဲ့ ရင့်ကျက်တည်ငြိမ်မှုမျိုးကို
အသက်ခပ်ငယ်ငယ်မှာတင် ရနေတတ်ပါတယ်။

လူတစ်ယောက်အောင်မြင်ဖို့ သက်ဆိုင်ရာ ပရော်ဖက်ရှင်နယ်အလုပ်မှာ 
ကျွမ်းကျင်ရင် ရပြီလား...?

အဲဒီမေးခွန်းကို ယေဘုယျဖြေရရင် ဟုတ်ကဲ့ ရပါပြီ။

ဒါပေမဲ့ အဲဒီအရည်အချင်းချင်း တူလာတဲ့အခါမှာဆိုရင်တော့ စာပိုဖတ်တဲ့သူက ခေါင်းတစ်လုံး ပိုသာပါတယ်။ အဆိုတော်၊ ရုပ်ရှင်သရုပ်ဆောင်၊ ဆရာဝန်၊ အင်ဂျင်နီယာ၊ နောက်ဆုံး သံဃာတော်တွေမှာတောင် စာပိုဖတ်တဲ့သူက လောကီရေးရာအရ ပိုအောင်မြင်လေ့ရှိတာ တွေ့ရပါလိမ့်မယ်။ စာဖတ်တဲ့သူက အမြင်ကျယ်တယ်၊ ဆိုးဆိုးရွားရွားအမှားမျိုးကို မလုပ်တတ်ဘူး၊ စိတ်အထားတတ်တယ်၊ ခံယူချက်မှန်တယ်၊ ပြောတတ်ဆိုတတ်၊ ပေါင်းတတ်သင်းတတ်တယ်၊ အသင်းအဖွဲ့ကို ခေါင်းဆောင်နိုင်တယ်။

စာဖတ်သူတိုင်း မအောင်မြင်ကြဘူးဆိုပေမဲ့ အောင်မြင်သူတိုင်းကတော့ 
စာဖတ်တဲ့သူတွေ ဖြစ်နေကြတာ ဒါကြောင့်ပဲ ဖြစ်ပါတယ်။

တကယ်တော့ ခေတ်ပညာတတ်ဆိုတာဟာ သက်ဆိုင်ရာအတတ်ပညာ၊ အတွေ့အကြုံနဲ့
ပြင်ပဗဟုသုတတွေကို အချိုးကျကျ ပေါင်းစပ်နိုင်သူကို ခေါ်တာဖြစ်ပါတယ်။



Red: John C.Maxwell - Self development

Credit : ဒေါက်တာဖြိုးသီဟ

Programming Wiki - စွယ်စုံ ပရိုဂရမ်းမင်း




ဇူးနစ်(နည်းပညာ)



“ခေတ်ပညာတတ်ဆိုတာ” Reviewed by ဇူးနစ် on 4:35 PM Rating: 5

No comments:

All Rights Reserved by ဇူးနစ်(နည်းပညာ) © 2015 - 2016
Powered By www.zunite.org, Designed by ဇူးနစ်

Contact Form

Name

Email *

Message *

Powered by Blogger.